Starfsemi
Fréttir
Heim

 

Náttúrustofan

 

Myndir

 

Fróðleikur

 

Tenglar

 

 

 

 

21. janúar 2009

Fyrirlestur um brandendur

Brandönd
smellið á auglýsinguna til að skoða hana betur.

Þriðjudaginn 27. janúar nk. mun Jón Einar Jónsson, líffræðingur við Háskólasetur Snæfellsness halda fyrirlestur á vegum Náttúrustofu Vesturlands, Umhverfishóps Stykkishólms og Háskólaseturs Snæfellsness.

Í fyrirlestrinum mun Jón segja frá brandönd, sem er nýleg fuglategund á Íslandi. Sagt verður frá lifnaðarháttum tegundarinnar og sérstæðu atferli, landnámi hennar í Borgarfirði á síðasta áratug 20. aldar og talningum sumurin 2007 og 2008.

Brandönd hefur komið sterk inn síðustu ár og er líkleg til að láta meira að sér kveða á Vesturlandi á komandi árum.

Fyrirlesturinn verður þriðjudaginn 27. janúar kl. 20:00 á ráðhúsloftinu í Stykkishólmi. Allir eru velkomnir og aðgangur er ókeypis.

Náttúrustofa Vesturlands, Hafnargötu 3, 340 Stykkishólmi, s. 433-8121, Gsm 898-6638, NMT 855-0922, Fax 438-1705, nsv@nsv.is

Til baka á fréttasíðu